Cruzada de 1101

Cruzada de 1101
Parte de Cruzaes
Fecha	1101
Llugar	Anatolia
[editar datos en Wikidata]

La cruzada de 1101 foi una cruzada menor con tres movimiento separaos, que foi entamada en 1100 y 1101 tres l'ésitu de la Primer Cruzada. A esta cruzada xuniéronse tamién munchos participantes de la cruzada anterior que retornaren a les sos cases antes d'algamar Xerusalén.

L'ésitu de la Primer Cruzada supunxo la necesidá de faer un llamamientu pa reclamar la unviada de refuerzos que dexaren defender el nuevu Reinu de Xerusalén. El papa Pascual II, socesor d'Urbanu II (papa que morriera antes de conocer la resultancia de la cruzada que convocara) fixo un llamamientu pa una nueva espedición. Pa ello, fixo especial fincapié en convocar a toos aquellos que fixeren el xuramentu d'allegar a la cruzada anterior pero que nun llegaren a partir, y a toos aquellos que volvieron antes de la so conclusión. Dalgunes d'estes persones taben sufriendo dures burlles en casa per parte de los sos vecinos, y enfrentábense a una enorme presión pa volver dirixise escontra l'este. Adela de Normandía, por casu, esposa d'Esteban II de Blois, qu'abandonara la cruzada mientres el sitiu de Antioquía de 1098, taba tan avergoñada del so home que nun-y dexó permanecer en casa. Tanto los ricos como los probes queríen llegar a Tierra Santa, pa lliberar de los infieles en nome de Cristu, buscando la salvación eterna que llevaba apareyáu'l lluchar nuna Guerra Santa.^[1] Otros, a cencielles, buscaben fuxir de la probeza p'atopar una nueva vida n'oriente.

1. ↑ «The Crusade of 1101». Consultáu'l 2009.